**K投資 – 賽後評賽前 (2020年7月1日 沙田)**
第1場:
今場臨場大幅落飛的怡昌福星飛到馬到,
其他馬匹的表現亦多為未有帶來驚喜,
唯獨是臨場勁快步看來狀態有進,
最後亦有入位而回,
此馬如季尾再出可以跟進一次, 狀態見好,
但要小心此馬房喜愛冷門出擊, 緊記熱避冷吼。
- 明月昇輝 – 今場成大熱卻未有表現, 馬匹仍沒進步頗為失望
- 香江穩勝 – 老馬現在前速亦欠奉, 難再依靠
- 洪荒駿駒 – 跑入Q位, 只是跑回自身能力, 於5班易近難贏
- 喜氣綿綿 – 潘頓已做足本份仍只能僅得第4, 未有進步都只能熱避冷吼,
需要有大進步,唯馬質看來不高
放入我的跟進list馬匹 : 勁快步 (熱避冷吼)
第2場:
第2場就是今天的其中的重點馬紅磚勇士順利勝出,
其實亦都只是憑著其馬匹本身質素及早前失準下減分過多而給予太大優勢,
加上5班馬一定是能擺前的較為著數,
如喜愛投注5班賽事定必要緊記此一點;
而一代莊主亦是相同道理,
憑著馬質取得Q位,
反之其後的馬匹能力確實平庸參差,
而只有開心大師於今天不算利後上的場地上追勢強勁,
如此馬跑回1600米以上可加注意。
- 一代莊主 – 41倍冷門入q, 能夠擺前不斷證明其能力於5班仍有著數, 再出有檔仍可注意
- 寶貝兒 – 直路未有最佳路線, 但亦見馬匹跑來未有進步. 再出要多看賽前部署
- 百寶袋 – 恰如其份的第4名,質新下預計下季應會更好
- 紅磚勇士 -跟前快步速下仍能贏得頗為輕鬆, 馬匹能力證明非5班質素,
再出如有大師傅策騎仍需跟進
放入我的跟進list馬匹 : 開心大師(1600米或以上)
第3場:
此場大熱愛馬劍的表現強差人意,
可見馬匹仍是會有表現不穩的情況,
再被捧成熱門確實不宜重心投注;
相反頭馬連連行運卻見表現連貫下更勝出今次賽事,
人馬合拍下再出再有絕對不奇;
而第3及第4名的醒旺財及捉金皇主要賺到輕磅之利,
仍需看多一場才可作準。
- 三生好運 – 潘頓拿到2疊下直路自上只是僅敗, 再出仍需潘頓策騎才有勝望
- 愛馬劍 – 大熱落敗, 此馬能力看來未有再進, 再出仍然只能配腳之選, 易近難贏
- 連連行運 – 最後6倍勝出, 人馬合拍下再出仍有機會, 馬匹明顯進步中
- 綠豆怪傑 – 臨場退出
放入我的跟進馬list 馬匹 : 沒有
第4場:
美麗系馬匹再勝一場,
今場更是告東尼一對勝出,
季尾3大馬房各出奇招,
看來真的會鬥到最後一個賽馬日;
自然力量3歲馬跑1800米顯然是較高難度,
所輸不遠下如暫時落回1600米待馬匹更加成熟會更有一番作為。
- 金如意 – 臨場亦有飛數, 但未有交出成績, 郭能再騎才諗
- 自然力量 – 跑來患得患失, 表現不夠穩定馬匹只能熱避冷吼
- 愛添勝 – 臨場落飛至大熱滿只跑第4, 此馬只能說是易近難贏之列, 潘頓如再騎會求補中
- 美麗天使 – 美麗系又贏一匹, 今季到季尾都仍然需要注意美麗系馬匹
放入我的跟進馬list 馬匹 : 沒有
第5場:
幸運傳奇越跑越成熟,
由田泰安策騎下再次勝出,
此馬能力仍未見底,
就算升班後預期仍有競爭能力;
摘星之光今場臨場已見飛數,
看來幕後亦知馬已有機會爭勝,
下場再出換人可以多加注意。
進優自在今場再次所輸不遠,
落敗只和騎師最近手風認真麻麻,
如換大師傅隨時能夠變身。
- 老實人 – 再次只近而回, 馬匹已跑盡, 再出太熱確實不太值, 隨時仍需減分才可望再出頭
- 幸運傳奇 – 今場有助自放形勢順利勝出, 此馬跑法日趨成熟預計仍可再上
- 首飾大聖 – 今日慳足全程下僅敗, 再出需要有內檔之助才可兼顧, 評分上重磅有難度
- 摘星之光 – 臨場落飛, 但全程只能於內欄衝刺未算是完全望空, 再出換人或會更好
放入我的跟進馬list 馬匹 : 沒有
第6場:
今場頭馬陽明滿滿再出連捷,
人馬合拍下亦見馬匹追勢十分良好,
呂健威今季泥地都有不少頭馬交出,
贏完今仗應要唞暑;
旋里多彩直路未見追勁,
潘頓棄騎看來亦有道理;
威風駿馬今場跑法錯誤,
如果雷神匆出再騎可搏補中交代。
- 南莊之歌 – 再次自放直路已斷, 看來需要跑1000米或待進步. 馬匹氣量過短
- 旋里多彩 – 直路未見追勢, 馬匹再度失望下再出難以信任, 要再看之後操練狀態
- 精英寶貝 – 臨場退出
- 威風駿馬 – 早段跟上前領馬下直路已斷, 此馬需要留後處理, 雷神再騎定會交代
放入我的跟進馬list 馬匹 : 沒有
第7場:
初出勁搏表現對辦,
跑來重磅亦見成熟走勢看來馬匹前境可期,
順意寶的勝利亦全因另外熱門表現失色所致,
風雨駒再次熱門失望,
再出仍太熱只宜作配,
馬匹仍未成熟下下季預期會有更好表現。
- 勁搏 – 新馬重磅仍可入q, 跑來見級數, 但今場後再出成大熱機會甚高, cp較低宜作配腳
- 風雨駒 – 大熱再敗, 今次形勢已有下仍然跑不出成績, 再出暫時不要看太高, 頂多作配
- 同盟力量 – 僅得第3只屬合格, 評分或已見樽頸, 需要再作進步
- 陽剛武士 -無飛無影, 暫未有表現, 觀望態度
放入我的跟進馬list 馬匹 : 沒有
第8場
今場頭馬時時有餘贏馬全靠潘頓能力,
人馬合拍加上亦和馬主關係良好,
此馬再出預計都會是潘頓的囊中物下仍然值得留意,
馬匹亦預計仍有不俗的進步空間;
勇猛神駒今場表現亦頗令人眼前一亮,
看來馬態甚好下如今季再出隨時可以補中;
四通八達第尾而回,
幕後是想怎樣處理此匹季初表現十分搶鏡之馬,
真的令人摸不著頭腦,
但緊記要熱避冷吼。
- 時時有餘 – 潘頓落力策騎下勝出賽事, 贏馬主要靠騎師功力, 潘頓再騎仍可信任
- 大道至正 – 直路表現較為失色, 此馬如跑回1600米應會更佳
- 哈囉嗲哋 – 同樣是主要路程問題, 馬匹最後200米才斷, 如跑回1600米應會較為合適
- 天外天 – 臨場飛數強勁唯沒有表現, 此馬面對2班強敵未能應付, 下季會更佳,
可以期望的馬匹
放入我的跟進馬list 馬匹 : 沒有
第9場:
今場勝出的精準快車亦是賽前有放入推介的馬匹,
欲此原因可以看回賽前推介,
反之同馬房的精彩有你就跑來走樣,
但亦和潘頓不擅此馬有關係,
相信預期馬房會用回雷神為此馬交代,
但其實此馬今季都拼搏頗多,
再出走樣亦有機會,需要小心;
得勝駒臨場飛數強勁,
看來幕後對此馬期望十分,
再出亦可以多加留意。
- 幸福老撾 – 今場試於外檔衝刺走勢不似預期, 馬匹已連仗未有表現, 相信會返回谷草爭逐
- 精準快車 – 馬房副選勝出賽事, 雖然可說是全程得到黃金形勢內檔慳位而贏,
但亦見馬匹狀態甚好, 季尾有權再搏多場
- 精彩有你 – 相反此馬明顯潘頓不熟悉馬匹才敗, 未能反映馬匹能力,
下仗放回雷神檔好隨時回馬槍
- 紅麗舍 – 臨場再次飛數強勁, 但馬匹能力已是退化是事實, 再出只能作3,4重配腳較好
放入我的跟進馬list 馬匹 : 沒有
第10場:
尾場可說是夢想成金的表演賽,
以其姿態暫時沒有任何挑剔此馬可以再出再贏;
另外加州神箭再次入位,
減到此分數看來已有優勢,
隨時季尾落谷草為馬房搏多一win;
精彩勇士臨場有飛亦跑出輕鬆的第2名,
幕後看來心知此馬於3班定有優勢, 唯露光後下場過熱小心走樣。
- 大雷暴 – 今場落敗主要對手太強, 馬仍質新下再出只暫宜作配
- 無敵勇士 – 表現失色, 評分到達樽頸, 再出需要檔位支持才再有機
- 凱旋來 – 同樣表現失色, 到了此評分仍未見表現下, 看來要待馬房同日有馬出擊才再諗
- 夢想成金 – 升班後再次贏得十分輕鬆, 預計最少會是準二班馬
放入我的跟進馬list 馬匹 : 加州神箭
影片內容 – https://youtu.be/5OLAh74bNbI
全文內容 – https://bit.ly/horse20200701after
喜歡的朋友, 請訂閱, 讚好, 打表情符號以作支持,
你們的支持是十分重要!
patreon 支持 – https://www.patreon.com/kinvestpro
更多文章 – http://www.smallkpost.com